About the Journal

«Asliyat» ilmiy axborotnomasi O‘zbekiston Respublikasi Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi tomonidan 2026-yil 15-iyulda 1691910-sonli guvohnoma asosida davlat ro‘yxatidan o‘tkazilgan.

Mazkur jurnal O‘zbekiston Respublikasi oliy ta’lim muassasalari professor-o‘qituvchilari, mustaqil ilmiy izlanuvchilar hamda yosh tadqiqotchilar tomonidan olib borilayotgan ilmiy izlanishlar natijalarini e’lon qilishga ixtisoslashgan. Nashr sahifalarida ilm-fanning dolzarb masalalari, xususan, filologiya, pedagogika, psixologiya,  tarix, san’atshunoslik, madaniyatshunoslik, o‘zbek milliy musiqa san’ati, xalq og‘zaki ijodi va milliy madaniyatimiz taraqqiyoti bilan bog‘liq fundamental hamda amaliy tadqiqotlar yoritiladi. Shuningdek, jurnal milliy madaniyat va san’at namunalari hamda ularning ta’lim tizimida o‘qitilish metodikasi, mazmuni va tarixiy taraqqiyot bosqichlarini ilmiy-nazariy hamda qiyosiy tahlil asosida o‘rganishga bag‘ishlangan maqolalarni chop etadi. Nashr yosh olimlarning innovatsion yondashuvlari, yangi ilmiy xulosalari va konseptual qarashlarini qo‘llab-quvvatlashni, ularning ilmiy salohiyatini namoyon etish hamda milliy gumanitar fanlar rivojiga munosib hissa qo‘shishni o‘z oldiga maqsad qilib qo‘yadi. Shuningdek, jurnalga oliy  ta’lim muassasalaridan tashqari respublikamizning boshqa ilmiy-tadqiqot institutlari, ishlab chiqarish tashkilotlari va korxonalarida faoliyat kо‘rsatib, ilmiy-tadqiqot ishlari olib borayotgan xodimlarning ham ilmiy maqolalari kiritiladi.