XORAZM MAQOM VA SUVORA AN’ANALARIDA MA’NAVIY-E’TIQODIY MAZMUNNING BADIIY-IJROVIY TALQINI

Abstract

Xorazm an’anaviy musiqa merosidagi ma’naviy-e’tiqodiy qatlamlar tarixiy-madaniy muhit, mumtoz she’riyat, ustoz-shogird vorisiyligi, maqom, suvora va urfiy maqom ijrochiligi misolida tahlil qilinadi. Qadimgi e’tiqodiy tasavvurlar keyingi musiqiy janrlarning bevosita manbai sifatida emas, balki vohada shakllangan madaniy xotiraning tarixiy qatlami sifatida talqin etiladi. Maqolada suvora va urfiy maqomlarning badiiy-funksional xususiyatlari, ularning Buxoro va Farg‘ona-Toshkent an’analari bilan mushtarak hamda farqli jihatlari qiyosiy asosda ochiladi. Zamonaviy etnofolklor kuzatuvlari orqali merosning bugungi yashovchan holati ham baholanadi.